Azııa chempıonaty: Jastar arasynda bes qazaqstandyq qyz chempıon atandy

NUR-SULTAN. QazAqparat - Iordanııa astanasy Amman qalasynda bokstan Azııa chempıonatynda ótken jastar arasynda qyzdarda jarys jeńimpazdary anyqtaldy, dep habarlaıdy QazAqparat tilshisi.

Qurlyqtyq dodada jastar arasynda qyzdarda bes qazaqstandyq altyn medal aldy. Olardyń qatarynda Tomırıs Myrzaqul (52 keli), Vıktorııa Baıdýkova (54 keli), Uljan Sársenbek (57 keli), Baqyt Seıdish (66 keli) jáne Kámıla Bajbenova (81 keli) bar.

Al Gaýhar Shaıbekova (70 keli) men Aıda Sarıbarova (75 keli) kúmis júldeni qanaǵat tutty.

Aıta keterligi, qazaqstandyq qyzdar tórt salmaqta ózbekstandyq qarsylastarymen qolǵap túıistirdi. Onyń úsheýinde basym tústi.

Jastar arasynda qyzdarda toǵyz ózbekstandyq fınalǵa shyqqan edi. Onyń ekeýinde ǵana qarsylasyn jeńdi.

Endi jastar arasynda uldar sharshy alańǵa shyǵady.

Eske salsaq, budan buryn Azııa chempıonatynda jasóspirimder arasynda jeńimpazdar anyqtalǵanyn habarlaǵan edik.