Azııa chempıonaty: Shırek fınalda boksshylarymyz kimdermen judyryqtasady

NUR-SULTAN. QazAqparat - Bokstan ótip jatqan Azııa chempıonatynda búgin shırek fınalda judyryqtasatyn boksshylarymyzdyń qarsylastary belgili boldy, dep habarlaıdy QazAqparat tilshisi.

QR Boks federatsııasy habarlaǵandaı, ¼ fınalda Qazaqstan atynan 16 boksshy synǵa túsedi. Buǵan deıin Ánýar Muzaparov (52 keli) pen Sánııa Sultanqyzy (57 keli) jeńilis tapqan edi.

Sondaı-aq, búgin eki boksshymyz jartylaı fınalda judyryqtasady. Qatysýshylar sanynyń azdyǵyna baılanysty Farıza Sholtaı (81 keli) men Lázzat Kúngeıbaeva (+81 keli) jarysty ½ fınaldan bastaıdy.

22 sáýir kúni Azııa chempıonatynyń shırek fınalynda baq synaıtyn boksshylar tizimi:

Kúndizgi sessııa, bastalýy 13:00

Temirtas Júsipov (49 keli) - Ramel Makado (Fılıppın)

Qaırat Erálıev (56 keli) - Kavınder Sıngh Bısht (Úndistan)

Darıǵa Shákimov (69 keli) - Erdenetýıa Enhbaatar (Mońǵolııa)

Keshki sessııa, bastalýy 17:00

Alýa Balqybekova (48 keli) - Djozı Gabýko (Fılıppın)

Sanatáli Toltaev (64 keli) - Amırı Mahsýd Mal (Iran)

Bek Nurmaǵanbet (81 keli) - Dilshodbek Rýzmetov (Ózbekstan)