Azııa chempıonaty: Qazaqstannyń voleıbolshylary Taıland quramasynan basym tústi
ASTANA. 13 qyrkúıek. QazAqparat - Búgin Taılandta bastalǵan áıelder arasyndaǵy voleıboldan 17-shi Azııa chempıonaty aıasynda Qazaqstan quramasy alǵashqy oıynyn ótkizip, jeńiske jetti.
Taı eliniń qurama komandasymen ótken oıynda bizdiń voleıbolshylar alǵashqy eki sette de (26:24, 26;24) jeńiske jetti. Biraq úshinshi sette (25:17) qarsylastaryna jol berip qoıdy. Esep - 2:1. Al tórtinshi sette Qazaqstannyń áıelder quramasy baryn salyp, Taıland komandasyn 25:20 esebimen utyp ketti. Sóıtip, qazaqstandyq voleıbolshylar alǵashqy oıynda 3:1 esebimen jeńiske jetti.
Aıta keteıik, Taılandta ótip jatqan voleıboldan 17-shi Azııa chempıonaty aıasyndaǵy Qazaqstan quramasynyń barlyq oıyndaryn «KAZsport» telearnasy tikeleı efır arqyly kórsetedi.
