Azııa chempıonaty: Qazaqstandyq jas boksshylar 22 medal ıelendi

NUR-SULTAN. QazAqparat – Iordanııada bokstan jastar men jasóspirimder arasyndaǵy Azııa chempıonaty aıaqtaldy. Bul jarysta qazaqstandyq erler quramasy 22 medal enshiledi, dep habarlaıdy QazAqparat Sports.kz saıtyna silteme jasap.

22 medaldiń 6-y «altyn», 7-i kúmis jáne 9-y qola júlde.

Jasóspirimder arasynda Aıdar Qadyrhan ( 52 kg ), Tórehan Sabyrhan ( 57 kg ), Ahmet Úsen ( 63 kg ) jáne Sanjar-Alı Begalıev ( 66 kg ), al jastar arasynda Egor Egorov ( 71 kg ) pen Temırlan Muqataev ( 86 kg ) altynnan alqa taqty.

Kúmis júldeni Mýhammed-Álı Janbolat (75 kg), Aslan Eldibaıýly (+80 kg) syndy jasóspirimder, al jastar arasynan Almat Abdýalı (51 kg), Islam Sovetov (67 kg), Daýlet Tólemisov (75 kg), Sultanbek Aıbaruly (80 kg) jáne Erdos Sharıpbek (92 kg) jastar arasyndaǵy básekede baǵy jandy.

Qola medaldy jasóspirimder Beksultan Boranbek (48 kg), Bek Joldasbek (50 kg), Sultan-Beıbarys Abylaev (54 kg), Alekseı Havantsev (60 kg) jáne Madııar Beksýltanov (80 kg), jastar arasynda Bahtııar Anarbaev (57 kg), Akbar Bısarev (60 kg), Madııar Taıpakov (63,5 kg), Tımofeı Potashov (+92 kg) ıelendi.