Azııa chempıonaty: qazaqstandyq voleıbolshylar Japonııadan jeńildi

ASTANA. QazAqparat – Taılandtyń Nakhonratchasıma qalasynda ótip jatqan voleıboldan áıelder arasyndaǵy Azııa chempıonatynda Qazaqstan quramasy pleı-off satysynda Japonııadan jeńilip qaldy, dep habarlaıdy QazAqparat tilshisi.

Qazaqstandyq voleıbolshylar Japonııa quramasymen kezdesti. Oıyn barysynda olar qarsylasyna 0:3 (13:25, 20:25, 18:25) esebimen jeńilip qaldy.

Endi el quramasy 4 qyrkúıekte Úndistanmen sheberlik baıqasady.

Eske salsaq, toptyq kezeńde qazaqstandyq voleıbolshylar D tobynda synǵa tústi. Aldymen, Fılıppındi taı-breıkte 3:2 (25:21, 17:25, 24:26, 27:25, 15:6) esebimen jeńse, odan keıin Gonkongty 3:0 (25:16, 25:23, 25:17) esebimen súrindirse, Qytaıdan 0:3 (12:25, 21:25, 10:25 ) esebimen jeńildi.

Aıta ketsek, qazaqstandyq voleıbolshylar Azııa chempıonatyna 12 márte qatysyp otyr. Ázirge eń úzdik jetistigi – 2005 jyly alǵan kúmis medal.

Qurlyqtyq doda 6 qyrkúıekte máresine jetedi.