Azııa chempıonaty: Qazaqstandyq velosportshylar altyn jáne kúmis medal jeńip aldy
NUR-SULTAN. QazAqparat - Ózbekstan astanasy Tashkentte velosporttan Azııa chempıonaty bastalyp, Qazaqstan qorjynyna alǵashqy altyn medal tústi. Komandalyq jarysta bizdiń qurama sportshylary chempıon atandy, dep habarlaıdy QazAqparat Ulttyq olımpıada komıtetine silteme jasap.
Jarys jolyna Qazaqstan sapynan myna sportshylar shyqty: ıÝrıı Natarov, Artem Zaharov, Dmıtrıı Grýzdev, Evgenıı Gıdıch, Jandos Bıjigitov jáne Danııl Fomınyh.
Erler arasyndaǵy synda kúmis júldeni Ońtústik Koreıa, qola medaldi Gonkong komandalary jeńip alǵan.
Sondaı-aq, Qazaqstan qyzdar komandasy qurlyq dodasynyń kúmis júldegeri atandy. Qazaqstan namysyn Natalıa Saıfýtdınova, Amılııa Iskakova, Faına Potapova, Mahabbat Úmitjanova, Vıktorııa Pastarnak jáne Janerke Sanaqbaeva qorǵady. Qyzdarymyz Ońtústik Koreıaǵa ese jiberip, Gonkong sportshylarynan ozyp ketti.
Eske sala keteıik, Tashkenttegi Azııa chempıonatynda Qazaqstan quramasy basty favorıtterdiń biri sanalady.
