Azııa chempıonaty: Qazaqstandyq semserlesýshiler taǵy eki «altyn» aldy
ASTANA. QazAqparat - Fılıppınniń Manıla qalasynda ótip jatqan semserlesýden 23 jasqa deıingi jastar arasyndaǵy Azııa chempıonatynda Qazaqstan qorjyny taǵy eki «altynmen» tolyqty, dep habarlaıdy QazAqparat tilshisi.
QR Ulttyq olımpıadalyq komıtetiniń baspasóz qyzmetinen málim etkendeı, aldymen sablıadan Qazaqstan áıelder komandasy fınalda Ońtústik Koreıa sportshylaryn 45:32 esebimen jeńip, chempıon atandy.
Qazaqstan namysyn Aıbıke Habıbýllına, Áıgerim Sarybaı, Anastasııa Gýlık jáne Karına Dospaı qorǵaǵan bolatyn.
Habıbýllına sablıadan jekeleı synda chempıon atanyp, Áıgerim Sarybaıdyń kúmis júldeger atanǵanyn da esterińizge salamyz
