Azııa chempıonaty: Qazaqstandyq segiz boksshy jartylaı fınalǵa shyqty
ASTANA. Qazaqparat - Bangkokta ótip jatqan bokstan Azııa chempıonatynda Qazaqstan jastar quramasynyń segiz boksshysy jartylaı fınalǵa shyqty, dep habarlaıdy Qazaqparat tilshisi.
Jartylaı fınalǵa shyqqan boksshylar qatarynda 49 keli salmaqta Mahmud Sabyrhan, 56 keli salmaqta Beıbarys Jeksen, 64 keli salmaqta Talǵat Sháıkenov, 69 keli salmaqta Ermahan Jaqpekov jartylaı fınalǵa shyqty. Sondaı-aq, 75 keli salmaqta Nurbek Oralbaı, 81 keli salmaqta Saǵyndyq Toǵymbekov, 91 kelige deıingi salmaqta Aıbek Oralbaı jartylaı fınalǵa joldama alsa, asa aýyr salmaqta Damır Toıbaı da shırek fınaldaǵy qarsylasyn qapy qaldyryp, jartylaı fınalǵa joldama aldy.
Qazaqstandyq boksshylar arasynan 60 keli salmaqta óner kórsetetin Rahat Seıitjan ǵana shırek fınalda qarsylasyna ese jiberip aldy.
Esterińizge sala keteıik, osyǵan deıin atalǵan birinshilikte jeti arýymyz jartylaı fınalǵa shyqqany týraly jazǵan bolatynbyz.
