Azııa chempıonaty: Qazaqstandyq boksshylar alǵashqy kezdesýinde jeńiske jetti

NUR-SULTAN. QazAqparat - Bokstan Azııa chempıonatynda Qazaqstan quramasynyń músheleri alǵashqy jekpe-jekterin sátti ótkizdi, dep habarlaıdy QazAqparat tilshisi.

Qurlyqtyq dodada 56 kelide sharshy alańǵa shyqqan Qaırat Erálıev koreı jigiti ıÝ-Chan Lıdi tize búktirdi. Sondaı-aq, 64 kelide Sanatálı Tóltaev jarystyń 1/8 fınaldyq satysynda jeńiske jetti. Ol Indonezııadan kelgen Lıbertýs Gahtan basym tústi. Al 75 kelide el namysyn qorǵap jatqan Tursynbaı Qulahmet te óz áriptesteriniń jeńisti jolyn jalǵastyrdy. Qazaqstandyq bylǵary qolǵap sheberi jarystyń 1/16 fınalynda Soltústik Koreıadan kelgen Chon Il Hondy jeńdi. Osyndaı tabysqa 91 kelidegi boksshymyz Vasılıı Levıt te qol jetkizip, jarystyń 1/8 fınalynda ırandyq Poýrııa Amırıdiń osal tusyn tapty.

Biz budan buryn Azııa chempıonatyndaǵy qazaqstandyq boksshylardyń qarsylastary anyqtalǵanyn habarlaǵan edik