Azııa chempıonaty: Qazaqstandyq boksshylar 5 «kúmis» aldy

NUR-SULTAN. QazAqparat - Bokstan Birikken Arab ámirliginiń Dýbaı qalasynda ótken Azııa birinshiliginde Qazaqstan erler quramasy bes kúmis medal aldy, dep habarlaıdy QazAqparat tilshisi.

Atalǵan jarysta qazaqstandyq Danııal Sábıt (49 keli) ózbekstandyq Nodırjon Mırzahmedovke jol berse, odan keıin Abylaıhan Júsipov (69 keli) sol elden kelgen Bobo-Ýsmon Batýrovqa ese jiberdi.

Al Ábilhan Amanqul (75 keli) da sol eldiń ókili Saıdjamshıt Jafarovke ese jiberse, tóreshileo Vasılıı Levıtti (91 keli) úndistandyq Sanjıtten jeńildi dep uıǵarym jasady.

Qazaqstan ulttyq quramasynyń kapıtany Qamshybek Qońqabaev (91 keliden joǵary) Bahodır Jalolovten jeńilip qaldy.

Osylaısha elimizdiń erler quramasy bes kúmis aldy.

Eske salsaq, 30 mamyrda Qazaqstan qyzdar quramasy Azııa birinshiliginde 8 altyn, 1 kúmis, 1 qola alyp, jalpy komandalyq esepte birinshi oryn aldy.