Azııa chempıonaty: Qazaqstandyq boksshy kúmis medal aldy

NUR-SULTAN. QazAqparat - Taıland astanasy Bangkokte ótip jatqan bokstan Azııa chempıonatynda Zákir Safıýllın Qazaqstanǵa alǵashqy kúmis júlde syılady, dep habarlaıdy QazAqparat tilshisi.

60 keli salmaqta el namysyn qorǵap jatqan otandasymyz fınalda monǵolııalyq Tsendbaatar Erdenebatpen qolǵap túıistirdi. Asa tartysty ótken jekpe-jek qorytyndysy boıynsha tóreshiler bir aýyzdan monǵolııalyq boksshyny jeńimpaz dep tapty.

Qazaqstandyq 4 boksshymyz «altyn» úshin talasatynyn buǵan deıin jazǵan bolatynbyz.

Alda 75 keli salmaqta el namysyn qorǵap jatqan Tursynbaı Qulahmettiń úndistandyq Ashısh Kýmarmen, 81 keli salmaqtaǵy Bek Nurmaǵanbettiń Fılıppın boksshysy Djon Nobel Marvınmen jekpe-jegi ótedi. Al Qazaqstan ulttyq quramasynyń kapıtany, asa aýyr salmaqtaǵy boksshymyz Qamshybek Qońqabaev ózbekstandyq Bahodır Jalolovpen judyryqtasady.