Azııa chempıonaty: Qazaqstandyq 5 boksshy jartylaı fınalǵa ótti

ULANBATYR. QazAqparat - Mońǵolııanyń Ulanbatyr qalasynda ótip jatqan bokstan jastar arasyndaǵy Azııa chempıonatynyń shırek fınaldyq básekeleri aıaqtaldy. Qazaqstan sapynan bes boksshy týrnırdiń jartylaı fınalyna ótti, dep habarlaıdy QazAqparat.

QR Ulttyq Olımpıadalyq komıtetiniń aqparatyna sáıkes, 49 kelidegi Muhammedsabyr Bazarbaıuly sharshy alań ıesi – mońǵolııalyq boksshydan basym tústi.

Qytaı boksshysyn utqan 56 kelidegi Beıbarys Jeksen de jartylaı fınalda judyryqtasady.

69 kelidegi Marǵulan Aıdaruly ırandyq qarsylasyn jeńip, kelesi aınalymǵa ótti.

Sondaı-aq, Úndistan boksshysynan aıla asyrǵan Darhan Dúısebaı (64 keli) ½ kezeńde baq synaıdy.

Al 75 kelidegi Azamat Bektas shırek fınalda koreıalyq qarsylasynan myqtylyǵyn dáleldedi.