Azııa chempıonaty: Qazaqstan quramasy «azýly» qarsylastarynan aılasyn asyra almady
ASTANA. QazAqparat - Voleıboldan Indonezııanyń Sýrabaıa qalasynda ótip jatqan erler arasynda Azııa chempıonatynda Qazaqstan quramasy alǵashqy jeńilisine ushyrady, dep habarlaıdy QazAqparat tilshisi.
Birinshi toptyq kezeńde ótkizgen úsh oıynda qarsylastaryn aıqyn basymdyqpen jeńgen otandastarymyz ekinshi toptyq kezeńniń alǵashqy oıynynda «azýly» japonııalyq qarsylastarynan aılasyn asyra almady. Esep: - 3:0.
Endi Qazaqstan quramasy 29 shilde kúni Ońtústik Koreıa quramasyna qarsy oınaıdy.
Esterińizge sala ketsek, birinshi toptyq kezeńde Qazaqstan quramasy Indonezııa, Katar jáne Saýd Arabııasy quramalaryn utyp, shırek fınalǵa ótken bolatyn.
