Azııa chempıonaty: Qamshybek Qońqabaev boks keshin jeńispen túıindedi

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda qazaqstandyq Qamshybek Qońqabaev jartylaı fınalǵa joldama aldy, dep habarlaıdy QazAqparat tilshisi.

Tokıo olımpıadasynyń qola júldegeri, álem chempıonatynyń eki dúrkin fınalısi Qamshybek Qońqabaev asa aýyr salmaqta ońtústikkoreıalyq Do Hen Kımdi synady.

Qamshybek qarsylasyn ózine yńǵaıly qashyqtyqta ustap, dál soqqylar jasaı bildi. Tóreshiler esebi – 5:0, Qamshybektiń paıdasynda.

Osylaısha, búgingi boks keshin jeńispen túıindegen Q.Qońqabaev jartylaı fınalǵa shyqqan qazaqstandyqtar sanyn 21-ge jetkizdi.

Endi jartylaı fınaldyq jekpe-jekter, sosyn sońǵy básekede kimniń qandaı medal alǵany anyqtalady.

Eske sala keteıik, budan buryn bokstan Azııa chempıonatynda Dýlat Bekbaýovtyń jartylaı fınalǵa shyqqanyn jazǵan bolatynbyz.

Sondaı-aq Alýa Balqybekova jartylaı fınalǵa ótti.

Al Rımma Volosenko júldesiz qaldy.

Nurqanat Raıys qarsylasyn nokaýtpen utyp, 1/2 fınalǵa joldama aldy.

Aslanbek Shymbergenov pen Nurbek Oralbaı da jartylaı fınalda.

Júldegerler qataryna Nazym Qyzaıbaı qosyldy.

Búgin Nurbek Oralbaı jartylaı fınalǵa shyqty.

Saǵyndyq Toǵambaı qarsylasyn eki ret nokdaýnǵa jiberdi.
Aıbek Oralbaı qarsylasyn aıqyn basymdylyqpen jeńdi.