Azııa chempıonaty: Gandboldan Qazaqstan quramasy Irandy jeńdi
ASTANA. QazAqparat - Japonııanyń Kýmamoto qalasynda gandboldan qyzdar arasynda ótip jatqan Azııa birinshiliginiń ekinshi týry aıaqtaldy. Osy oıynda Qazaqstan quramasy jeńiske jetti, dep habarlaıdy QazAqparat tilshisi.
Ekinshi kezdesýde bizdiń qurama Iranmen sheberlik baıqasty. Bul oıynda qazaqstandyq gandbolshylar ózderin jaqsy qyrynan tanyta bildi. Bizdiń qurama qarsylastaryn 41:26 esebimen tize búktirdi. Qazaqstan gandbolshy qyzdary oıyn kórsetip jatqan A tobynda Japonııa Aýstralııany 37:18 esebimen jeńdi.
Eki týrdan keıin kósh basynda japon qyzdary keledi. Ekinshi orynda Qazaqstan quramasy tur.Odan keıingi oryndarda Iran, Avstralııa jáne Jańa Zelandııa quramalary ornalasqan.
Qazaqstan quramasy endigi kezdesýin 2 jeltoqsanda Jańa Zelandııaǵa qarsy ótkizedi. Al 5 jeltoqsanda Japonııamen kezdesedi.
Budan buryn olar Aýstralııadan 32:24 esebimen basym túsken edi.
Qazaqstan quramasy Azııa birinshiligine bıyl toǵyzynshy márte qatysyp otyr.
V tobynda búgin Qytaı Gonkongty 36:10, Ońtústik Koreıa Sıngapýrdy 41:9 esebimen jeńdi.
Gandboldan qyzdar arasyndaǵy Azııa birinshiligi 9 jeltoqsan kúni máresine jetedi. Qazaqstan quramasy 2002, 2010 jyldarda Azııa chempıony ataǵyna qol jetkizdi.
