Azııa chempıonaty fınalynda qazaqstandyq qyzdy jeńgen boksshy jigit bolyp shyqty
ASTANA. QazAqparat - Bokstan jastar arasyndaǵy Azııa chempıonatynda 57 kelige deıingi salmaq sanatynda fınalda qazaqstandyq Erkejan Dáýletjanqyzyny jeńgen qarsylasy - vetnam boksshysy Do Hong Ngok (Do Hong Ngoc) jigit bolyp shyqty, dep habarlaıdy«SPORTINFORM» SAA Kaz.altaynews.kz-ke silteme jasap.
Eske sala ketsek, sáýir aıynda Taılandta ótken qurlyqtyq básekede Erkejan Dáýletqyzy fınalda vetnamdyq qarsylasynan 0:5 esebimen utylǵan edi.
«Erkejannyń qarsylasy óziniń aıqasty júrgizý máneri, rıngtegi qozǵalysy jáne daýysy jaǵynan jigitke kúshti uqsaǵan bolatyn. Bul kópshiliktiń nazaryna ilikti. Biraq ol kezde qyz dep eseptelgen. Al qazir, AIBA DNK analızin teksergende bári belgili boldy. Ngok - jigit»,- dedi qazaqstandyq qyzdyń jeke bapkeri Arman Tynybaev.
Tynybaevtyń aıtýynsha, oǵan bul tosyn jańalyqty QR jasópirim qyzdar quramasynyń aǵa bapkeri Almaz Qýatbekov aıtqan. Endi Erkejan ACh-2018-diń «altynyn», soǵan sáıkes Býenos-Aıreste ótetin Jasóspirimderdiń Olımpıadalyq Oıyndaryna joldama alýy tıis.
QR Boks federatsııasy endi Azııa boks konfederatsııasyna resmı saýal joldaıtyn bolady.
