Azııa chempıonaty: eski Ánurannyń «jyry» bitetin emes
ASTANA. QazAqparat - Sıngapýrda ótken MMA boıynsha Azııa chempıonatynda keleńsiz jaǵdaı boldy. Qazaqstan sportshysyn marapattaý rásiminde taǵy eski Ánuran oınatyldy, dep xabarlaıdy QazAqparat tilshisi.
Altynǵa ıe bolǵandardyń ishinde Ernaz Musabek te bar. 56,7 keli salmaqta ol óz qarsylasyn tunshyqtyrý tásilimen jeńip, IMMAF halyqaralyq uıymynyń MMA boıynsha Azııa chempıony atanǵan bolatyn. Dál osy sportshymyzdy marapattaý rásimi kezinde Qazaqstannyń eski Ánurany qoıyldy. Alaıda ulttyq quramanyń músheleri sasqan joq. Gımndi akapellamen, sol jerde turyp, ózderi shyrqap berdi.
Aıta ketken jón, 61,2 kelige deıingi jeńil salmaqtaǵy palýan Oljas Moldaǵalıev te Azııa chempıony boldy. Ulttyq quramanyń eń jas múshesi - 18 jastaǵy Jan Kenjebaev 77,1 kelige deıingi salmaq sanatynda altyn medal ıegeri atandy. Al Aıan Tursyn men Bekzat Jasııa kúmisti qanaǵat tutty.
