Azııa chempıonaty: Darıǵa Shákimova qola medal jeńip aldy
NUR-SULTAN. QazAqparat - Taılandta ótip jatqan bokstan Azııa chempıonatynda qazaqstandyq boksshy Darıǵa Shákimova qola medal ıelendi, dep habarlaıdy QazAqparat tilshisi.
Burymdy boksshylar arasynda 69 keli salmaqta el namysyn qorǵaǵan Shákimova jartylaı fınalda qytaılyq Nıen Chın Chenmen judyryqtasqan bolatyn.
Ókinishke qaraı asa tartysty ótken jekpe-jekte tóreshiler bir aýyzdan qytaılyq boksshyny jeńimpaz dep tapty. Osylaısha, búgin Shákimova Qazaqstan qorjynyna tórtinshi qola medal saldy.
Azııa birinshiliginde buǵan deıin Tursynbaı Qulahmet https://kaz.inform.kz/news/aziya-chempionaty-kazak-boksshysy-karsylasyn-20-sekundta-utyp-finalga-shykty_a3520585 fınalǵa shyqqan edi. Al, Temirtas Júsipov pen Vasılıı Levıt qola medal jeńip aldy.
