Azııa chempıonaty: Boksshy qyzdardyń fınaldaǵy qarsylastary anyqtaldy

ASTANA. QazAqparat – Bokstan 22 jasqa deıingi jastar arasyndaǵy Azııa chempıonatynda qazaqstandyq eki sportshynyń qarsylastary anyqtaldy, dep habarlaıdy QazAqparat tilshisi.

Taıland astanasy Bangkok qalasynda ótip jatqan qurlyqtyq dodada el quramasynan qyzdar arasynda Jasmın Qızatova (70 keli) vetnamdyq Trýong Mın Thý Kıýnhty, Gúlsaıa Erjan jartylaı fınalda nepaldyq Trısha Djebegýdi tize búktirip, fınalǵa shyqqan edi.

Endi aqtyq synda Jasmın Qızatova ózbekstandyq Azızoı Zokırovamen qolǵap túıistirse, Gúlsaıa Erjan taılandtyq Pýrnnıpa Chýtımen sheberlik baıqasady.

Qurlyqtyq doda jartylaı fınalynda el quramasynan Móldir Toıkova (50 keli), Ánel Saqysh (54 keli), Vıktorııa Grafeeva (57 keli), Shahnaz Isaeva (60 keli), Nazerke Serik (63 keli), Aqnar Işanova (66 keli), Dana Dıdaı (75 keli) qarsylastaryna ese jiberip, qola júldeni qanaǵat tutty.