Azııa chempıonaty: Áıelder kúresinen Jámıla Baqbergenova fınalǵa shyqty
ASTANA. QazAqparat - Búgin, 12 sáýirde Astana qalasynda áıelder kúresinen Azııa chempıonatynyń ekinshi oıyn kúninde Jámıla Baqbergenova (72 keli) fınalǵa shyqty, dep habarlaıdy QazAqparat tilshisi.
Jámıla Baqbergenova shırek fınalda taıpeılik Hýng Pın-tsendi qapy qaldyrsa, jartylaı fınalda mońǵolııalyq Davaansan Enh Amardy aıqyn basymdyqpen jeńdi. Nátıjesinde qurlyqtyq doda fınalyna joldama aldy.
Jámılanyń fınaldaǵy qarsylasy - japonııalyq Sýmıre Nıkýra. Qazaqstandyq balýan byltyr Mońǵolııanyń Ýlan-Batyr qalasynda ótken Azııa chempıonatynyń fınalynda atalǵan qarsylasyn jeńip ketken edi.
Sondaı-aq, el quramasynan Nılýfar Raımova (57 keli) men Albına Qaıyrgeldınova (65 keli) 3-oryn úshin saıysqa túsedi.
Eske salsaq, áıelder kúresinen jarystyń alǵashqy kúninde el quramasynan Elmıra Syzdyqova (76 keli) chempıon atansa, Marına Sedneva (55 keli), Elena Shalygına qola aldy.
