Azııa chempıonaty: Áıelder kúresinen Elmıra Syzdyqova fınalǵa shyqty
ASTANA. QazAqparat - Búgin Astana qalasynda ótip jatqan áıelder kúresinen Azııa chempıonatynda qazaqstandyq Elmıra Syzdyqova (76 keli) altynǵa talasady, dep habarlaıdy QazAqparat tilshisi.
Qurlyqtyq básekede alǵashqy beldesýinde ol ózbekstandyq Ozoda Zarıpbaevany merziminen buryn jeńip ketti. Odan keıin qytaılyq Hýan Vangti upaı sanymen qapy qaldyrdy.
Endi ol fınalda qyrǵyzstandyq Aıperi Medetqyzymen sheberlik baıqasady.
Aıta ketsek, E. Syzdyqova bıyl elimizdiń VI jazǵy Spartakıadasynda top jardy. Elmıra osyǵan deıin Azııa chempıonatynda 1 altyn, 2 kúmis, 3 qola alǵan edi.
Sondaı-aq, el quramasynan búgin Marına Sedneva (55 keli), Dıana Kaıýmova (59 keli), Elena Shalygına (68 keli) qola júldege talasady.
Endi 12 sáýirde áıelder kúresinen 53, 57, 62, 65, 72 keli salmaqta balýandar baq synaıdy.
Eske salsaq, grek-rım kúresinen Azııa chempıonatynda el quramasy jalpy esepte 3-orynǵa turaqtady. Enshisinde 1 altyn, 2 kúmis jáne 5 qola medal bar.
