Azııa chempıonaty - Astanada ótetin Álem chempıonaty qarsańyndaǵy daıyndyq - Halyqaralyq aýyr atletıka federatsııasynyń prezıdenti
ASTANA. 24 maýsym. QazAqparat - Azııa chempıonaty - Astanada ótetin Álem chempıonaty qarsańyndaǵy daıyndyq bolyp tabylady. Bul týraly búgin Astanada aýyr atletıkadan ótip jatqan Azııa chempıonaty barysynda Halyqaralyq aýyr atletıka federatsııasynyń prezıdenti (IWF) Tomash Aıan málim etti.
"Astanada ótip jatqan aýyr atletıkadan Azııa chempıonaty kelesi jyly osynda ótkeli otyrǵan Álem chempıonatyna daıyndyqty qamdaý bolyp tabylady. Men búgingi chempıonattyń ózge birinshilikterge qaraǵanda erekshe uıymdastyrylǵanyn jáne joǵary deńgeıde ekendigin kórip otyrmyn. Sharany osyndaı bıik sapamen uıymdastyrǵan memleket basshylyǵyna alǵys aıtamyn. Kelesi jyly qyrkúıekte biz taǵy da osy Astanada Álem chempıonatynda kezdesetinimizge qýanyshtymyn. Onyń búgingideı keremet deńgeıde uıymdastyrylatyna senimim zor", - dedi T.Aıan.
"Qazaqstandyq ziltemirshiler álemde úlken tanymaldylyqqa ıe. Sizderdiń elden London Olımpıadasyna barǵan tórt aýyr atlet altyn medal jeńip aldy. Onyń biri Ilıa Ilın eki dúrkin Olımpıada chempıony atandy. Bul nátıjeler dúnıejúzin tańqaldyrdy. Qazaqstandyqtar aýyr atletıkamen aınalysyp, ataqty sportshylaryn áspeıttep qana qoımaıdy, sonymen qatar atalmysh sporttyń mánin tereń uǵynǵan jáne onyń damýyna úlken kúsh salýda", - dep atap ótti IWF prezıdenti.
Aıta keteıik, 22-25 mamyr aralyǵynda elordada "Saryarqa" velotreginde aýyr atletıkadan Azııa chempıonaty ótýde. Oǵan "sary qurlyqtyń" 22 memleketinen 800-den astam sportshy qatysýda.
