Azııa chempıonaty: Ábilhan Amanqul qarsylasyn úsh ret nokdaýnǵa jiberdi
ASTANA.QazAqparat - Tashkentte ótip jatqan bokstan Azııa chempıonatynda 75 kelige deıingi salmaq dárejesinde synǵa túsken qazaqstandyq Ábilhan Amanqul sharshy alańda sátti óner kórsetti, dep habarlaıdy QazAqparat Sports.kz saıtyna silteme jasap.
Qazaqstandyqtyń qarsylasy Sırııa eliniń ókili Abdýl Azzız bolatyn. Jekpe-jek birinshi raýndtan aspady, sırııalyq boksshy qatarynan úsh nokdaýn alǵannan keıin tóreshi saıysty toqtatty. Osylaısha, Ábilhan Amanqul jarystyń jartylaı fınalyna joldama aldy.
Aıta keteıik, Azııa chempıonatynda jerlesterimiz Qaırat Eralıev (56 keli), Bekdáýlet Ibragımov (64 keli) jáne Vasılıı Levıt (91 keli) jartylaı fınalǵa ótse, Erjan Jomart (49 keli) pen Ádilet Qurmetov (60 keli) jarys jolynan shyǵyp qaldy.
