Azııa chempıonatynda stend atýdan Qazaqstan jasóspirimder quramasy altyn aldy

ASTANA. KAZINFORM -  Shymkent qalasynda ótip jatqan XVI Azııa chempıonatynda stend atýdan Qazaqstan jasóspirimder quramasy altyn medal aldy.

Trap baǵdarlamasyndaǵy aralas juptyq synda Eleonora Ibragımova men Nıkıta Moıseev fınalda úndistandyq qatarlastarynan 38: 37 esebimen basym tústi. Ekinshi orynǵa Úndistan jaıǵassa, úzdik úshtikti Ózbekstan túıindedi.

Aıta keteıik, osyǵan deıin Nıkıta men Eleonora erler men áıelder arasynda komandalyq saıysta kúmis júlde ıelendi.

Qurlyqtyq dodaǵa 29 elden 756 sportshy keldi. Olar eki aptaǵa jýyq ýaqyt boıy júldelerdi sarapqa salady.

Aıta ketsek, budan buryn erler arasynda 10 metrden aralas yrǵaqta jyljymaly nysana kózdeýden Qazaqstan-1 jasóspirimder komandasy top jardy. Ramazan Hýsaınov, Shahzod Irnazarov pen Valat Mýsaev úshtigi 1065 upaı jınady.

Bul - jasóspirimder arasyndaǵy jańa Azııa rekordy. Munda kúmis Qazaqstan-2 komandasyna, qola Ózbekstanǵa buıyrdy.

Shymkent qalasy tórt jyl buryn pnevmatıkalyq qarýmen nysana kózdeýden Azııa chempıonatyn qabyldaǵan edi. Onda 20 memlekettiń 350-ge jýyq sportshysy qatysty. Qazaqstan 5 altyn, 7 kúmis jáne 6 qola medalmen jalpy esepte 1-oryn aldy.