Azııa chempıonatynda para velosportshylar altyn qanjyǵalady

ASTANA.KAZINFORM — Para velosporttan Azııa chempıonatynda qazaqstandyq sportshylar Kırıll Ilıýkevıch (stoker) pen Anton Lavrentev (pılot) 4 shaqyrym qashyqtyqty 4:36,708 sekýnd kórsetip, altyn medaldi jeńip aldy. Bul týraly Sports.kz jazdy. 

«Kúmis» jáne «qola» medal malaızııalyq sportshylarǵa buıyrdy.

Áıelder arasyndaǵy jarysta Juldyz Qaınarova (stoker) men Polına Bratchıkova (pılot) qashyqtyqty 3:55,816 sekýndta baǵyndyryp, kúmis júldeni jeńip aldy.

Buǵan deıin jarystyń birinshi kúninde qazaqstandyq sportshylar komandalyq sprıntte qola júldege qol jetkizgen bolatyn.

Aıta keteıik, 21-27 aqpan aralyǵynda Malaızııada para-trekten Azııa chempıonaty ótip jatyr. Jarysqa Azııanyń 16 elinen 250-den astam sportshy qatysqan. Qazaqstannyń atynan alty sportshydan turatyn komanda bar.

Eske sala keteıik, buǵan deıin mánerlep syrǵanaýdan Seýlde ótken tórt qurlyq chempıonatynda altyn júldelegen Mıhaıl Shaıdorov elge oralǵanyn jazǵan bolatynbyz.