Azııa chempıonatynda qazaqstandyq 31 boksshy fınalǵa shyqty

ASTANA. KAZINFORM - Iordanııa astanasy Amman qalasynda 15 jáne 17 jasqa deıingi jasóspirimder arasyndaǵy Azııa chempıonatynda fınalǵa shyqqan barlyq boksshy anyqtaldy.

World Boxing aıasynda alǵash ret ótip jatqan qurlyqtyq dodada elimizdiń atynan 31 sportshy bas júldege talasatyn boldy. 

Bul - jarystyń barlyq qatysýshylary arasyndaǵy eń úzdik kórsetkish. Ekinshi oryndaǵy Ózbekstan quramasynda 30 boksshy fınalǵa shyqqan. Odan keıingi oryndarda Úndistan (21 boksshy), Ýkraına (12 boksshy), Iran (6 boksshy) jáne Iordanııa (4 boksshy) tur. 
Qurlyqtyq doda 1 mamyr kúni máresine jetedi.

Aıta ketsek, World Boxing uıymy 2025 jyly bokstan barlyq jas sanaty boıynsha Azııa chempıonatyn ótkizý kúnderin naqtylady. Endi 19-22 jas aralyǵyndaǵy boksshylar 20 shilde-3 tamyz aralyǵynda sheberlik baıqasady. 

Al eresekter arasyndaǵy Azııa chempıonaty 1-15 qazan aralyǵynda bolady.

Aıta ketsek, Reseıdegi týrnırden qazaqstandyq boksshylar 11 medal alyp qaıtty.