Azııa chempıonatynda qazaqstandyq 11 jas boksshy fınalǵa shyqty

ASTANA. KAZINFORM — Shrı-Lanka astanasy Kolombo qalasynda ótip jatqan bokstan Azııa chempıonatynda qazaqstandyq jastardyń basym bóligi fınalǵa shyqty.

Aǵa-jattyqtyrýshy Maksat Baqtybazarovtyń jetekshiligimen 13 salmaq dárejesinde sharshy alańǵa shyqqan jas sport sheberleri 11 joldama jeńip aldy.

El quramasynan Nurhan Qumarbekov (48 keli), Dosymjan Tańatar (51 keli), Aldııar Bahadúr (54 keli), Nyǵman Nyǵmet (57 keli), Ádilet Tórtýbek (60 keli), Muhıt Nurqabyluly (63,5 keli), Sultan Turdaly (67 keli), Jasulan Berdáli (75 keli), Igor Solovev (80 keli), Rasul Asanhanov (92 kg), Beksultan Qaıratuly (92 keliden joǵary) altyn medaldy sarapqa salady.

20 jáne 21 mamyr kúnderi jartylaı fınal ótse, 22 jáne 23 mamyrda fınaldyq jekpe-jek ótkiziledi. 

Jastar arasyndaǵy Azııa chempıonatynyń sheshýshi jekpe-jegi 22 mamyrǵa belgilengen.

Aıta ketsek, bokstan Álem kýbogy 30 maýsym — 6 shilde aralyǵynda Astana qalasynda ótedi.