Azııa chempıonatynda Qazaqstan quramasy stend atýdan kúmis aldy
ASTANA. KAZINFORM - Shymkentte ótip jatqan Azııa chempıonatynda Qazaqstan quramasy stend atýdan kúmis medal aldy.
El quramasynan Edýard Eşenko men Anastasııa Molchanova aralas komandalar arasyndaǵy «skıt» baǵdarlamasynda ekinshi oryn ıelendi.
Bul synda altyn medal Qytaı jubyna buıyrsa, úshinshi orynǵa Qatar men Úndistan turaqtady.
Aıta ketsek, buǵan deıin Molchanova jekeleı saıysta qola júldeger atanǵan edi.
Ulttyq qurama oıynshysy jarys barysynda 45 upaı jınap, úzdik úshtikti túıindedi.
Qurlyqtyq dodaǵa 29 elden 756 sportshy keldi. Olar eki aptaǵa jýyq ýaqyt boıy júldelerdi sarapqa salady.
Shymkent qalasy tórt jyl buryn pnevmatıkalyq qarýmen nysana kózdeýden Azııa chempıonatyn qabyldaǵan edi. Onda 20 memlekettiń 350-ge jýyq sportshysy qatysty.
Qazaqstan 5 altyn, 7 kúmis jáne 6 qola medalmen jalpy esepte 1-oryn aldy.