Azııa chempıonatynda Dýlat Bekbaýov malaızııalyq boksshyny nokaýtpen jeńdi

ASTANA. KAZINFORM – Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Dýlat Bekbaýov jartylaı fınalǵa shyqty.

Dýlat ¼ fınalda 67 kelige deıingi salmaqta malaızııalyq Arıf Aıman Mýhammadpen sheberlik baıqasty.

Birinshi raýndta tóreshiler túgeldeı jeńisti qazaqstandyq boksshyǵa berdi – 5:0. Ekinshi kezeńde Dýlat qarsylasyn nokdaýnǵa jiberdi. Úshinshi raýndta referı taǵy bir nokdaýn ashyp, jekpe-jekti toqtatty. Osylaısha, Dýlat Bekbaýov jartylaı fınalǵa joldama alyp, medal alatyn qazaqstandyqtardyń qataryn tolyqtyrdy.

Búgin taǵy úsh qazaqstandyq boksshy rıngke shyǵady. Al Dıas Moljigitov judyryqtaspastan jartylaı fınalǵa ótti.

Eske sala keteıik, budan buryn bokstan Azııa chempıonatynda Mahmud Sabyrhannyń qarsylasyn nokaýtpen jeńgenin jazǵan bolatynbyz. Sondaı-aq Dıas Moljigitov jartylaı fınalǵa joldama aldy.