Azııa chempıonatynda búgin qazaqstandyq on taekvondoshy saıysqa túsedi

ASTANA. KAZINFORM - Malaızııanyń Kýchıng qalasynda ótip jatqan taekvondodan jastar arasyndaǵy Azııa chempıonatynyń ekinshi jarys kúninde elimizdiń atynan kimder shyǵatyny belgili boldy.

Bul joly el quramasynan uldarda Rınat Elibaı (51keli), Evgenıı Vasenkın (55 keli), Pavel Em (59 keli), Beket Bolatuly (68 keli), Álisher Jolmurat (78 keli) jarys jolyna shyǵady.

Al qyzdarda Anastasııa Rıabotenko (44 keli), Aqbota Jeleý (46 keli), Nuraıym Jumabek (49 keli), Aıana Baýyrjanova (55 keli) men Arýjan Naımanbaeva (68 keli) el namysyn qorǵaıdy. 

Aıta ketsek, qurlyqtyq dodanyń alǵashqy jarys kúninde Qazaqstan quramasynyń sportshylary jeti medal aldy. Onyń ishinde 2-ýi altyn, 1-ýi kúmis, 4-ýi qola medal.

Aıta ketsek, 2005 jyly Almatyda ótken Azııa chempıonatynda Davranbek Rızaev jeńis tuǵyryna kóterilgen edi. Araǵa 20 jyl salyp, mundaı tabysqa Aıym Serikbaeva men Býned Bahramkýlov qol jetkizip otyr.

Al Toǵjan Qaznabek (59 keli) ekinshi oryn alsa, Nurperzent Samauly (48 keli), Egor Shaptefrats (78 keliden joǵary), Dáýlet Rahımollıev (73 keli) jáne Lıýbov ıÝn (63 keli) úzdik úshtikti túıindedi.