Azııa chempıonatynda baıdarkadan Qazaqstan áıelder quramasy altyn aldy

ASTANA. KAZINFORM — Qytaıdyń Nanchan qalasynda ótip jatqan baıdarka men kanoede eskek esýden Azııa chempıonatynda el quramasy qorjynyna taǵy bir altyn tústi.

Qurlyqtyq dodada baıdarkamen 500 metr qashyqtyqta Qazaqstan áıelder quramasy jeńimpaz atandy. Bul synda úzdik úshtikte Qytaı, Japonııa sportshylary ornalasty.
Álem chempıonatynyń qola júldegeri Vıktor Stepanov 200 metrge jarysta kúmis aldy.

Al Olga Shmeleva 200 metrge jarysta (baıdarka) úzdik úshtikti túıindedi. Osylaısha ol Nanchandaǵy júldeler sanyn 3 altyn, 2 qolaǵa jetkizdi.

Qazirge deıin bıylǵy qurlyqtyq dodada qazaqstandyq sportshylar úsh altyn alyp úlgergen edi. Baıdarkamen 500 metr qashyqtyqtaǵy jarysta Olga Shmeleva men Artem Tereşenko, kanoe sportynan 500 metrde juptasyp jarysta Sergeı Emelıanov pen Rýfına Iskakova chempıon atansa, Olga Shmeleva áriptesi Irına Podoınıkovamen birge baıdarkamen juptyq synda 500 metrge jarysta dál sondaı jetistikti baǵyndyrdy.

Sondaı-aq qazirge deıin el quramasynan baıdarkamen jarysta Stella Sýhanova, Bekarys Ramatýlla ekinshi orynǵa turaqtady. Kanoede 500 metrge eskek esýde qazaqstandyq sportshylar úzdik úshtikti túıindedi.