Azııa chempıonatynda 22 jasqa deıingi Qazaqstan quramasy 9 medal aldy

ASTANA. KAZINFORM - World Boxing aıasynda Taıland astanasy Bangkok qalasynda búgin 22 jasqa deıingiler arasynda Azııa chempıonaty máresine jetti. 

Qurlyqtyq dodada otandastarymyz 9 medalǵa qol jetkizdi. Olardyń 5-eýi altyn bolsa, 4-eýi kúmis júlde bolyp otyr.

El quramasynan Nurıslam Qaldybaev (60 keli), Sanjarálı Begalıev (80 keli), Temirlan Muqataev (90 keli), Gúlnaz Bóribaeva (48 keli) jáne Baqyt Seıdish (70 keli) jeńis tuǵyryna kóterildi.

Al fınalda qarsylastaryna ese jibergen Ilıa Kalının (65 keli), Nurbek Mursal (70 keli), Shuǵyla Nálibaı (75 keli) jáne Ásel Toqtasyn (80 keli) kúmis medal aldy.

Aıta ketsek, budan buryn 19 jasqa deıingiler arasynda Rasýl Asanhanov (90 keli), Quralaı Eginbaıqyzy (80 keli) Azııa chempıony ataǵyn jeńip aldy.

Sondaı-aq Ádilet Tortýbek (60 keli), Bıbarys Áshirbaı (70 keli), Tımýr Taıbekov (80 keli), Nursultan Qystaýbaı (85 keli), Aıajan Ermek (57 keli) kúmis júldeger atansa, Aıym Tańqybaeva (51 keli), Janel Imantaeva (54 keli), Alına Kudaıgenova (60 keli), Aqbota Esimbekova (65 keli) jáne Sabına Jaqsylyq (80 keliden joǵary) úzdik úshtikti túıindedi.

Qurlyqtyq dodaǵa 25 elden 396 boksshy (237 er jáne 159 áıel) qatysty. Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrkimenstan, Ózbekstan, BAÁ, Vetnam, Býtan bar