Azııa chempıonatynda 12 sáýirde qazaqstandyq bes balýan saıysqa túsedi

ASTANA. KAZINFORM — Qyrǵyzstan astanasy Bishkek qalasynda ótip jatqan Azııa chempıonatynda búgin, 12 sáýirde el quramasynan bes balýan boz kilemge shyǵady.

Ekinshi jarys kúninde qazaqstandyq Asyl Aıtaqyn (61 keli) ıordanııalyq Abýrýmaımen kezdesse, Talǵat Syrbaz (74 keli) ben japonııalyq Takahashı sheberlik baıqasady. 

Al 86 keli salmaqta Azamat Dáýletbekov Vazı Heng (Kambodja) pen Vafaeıpýr (Iran) jubynyń jeńimpazymen kezdesedi.

Odan keıin Ádilet Davlýmbaev (92 keli) boz kilemge shyqsa, Abylaı Sovet (125 keli) bahreındik Sharıpovpen jarysqa túsedi. 

Aıta ketsek, jarystyń alǵashqy kúni, 11 sáýirde Rızabek Aıtmuqan (97 keli) kúmis, Meırambek Qartbaı (57 keli) qola aldy.

Al Azamat Ómirjanov (79 keli) qola júlde úshin talas Asomıddın Hasanovqa ese jiberdi.

Al 13-14 sáýir kúnderi áıelder, 15-16 sáýirde grek-rım sheberleri boz kilemge shyǵady.

Qurlyqtyq dodada erkin kúres, grek-rım jáne áıelder kúresinen barlyǵy 30 medal jıyntyǵy sarapqa salynady.