Azııa chempıonaty: Otandyq balýandar Vetnamda tórt medalǵa ıe boldy
ASTANA. KAZINFORM — Qazaqstan quramasy kúresten Vetnamnyń Danang qalasynda ótip jatqan jastar arasyndaǵy Azııa chempıonatynda taǵy tórt medal enshiledi, dep habarlaıdy UOK baspasóz qyzmeti.
Kezekti jarys kúninde erkin jáne áıelder kúresiniń balýandary bozkilemge shyqty.
Maııs Alıev (70 kelige deıin) altyn medal jeńip aldy.
Al Elaman Amangeldi (57 kelige deıin), Altyn Shaǵaeva (57 kelige deıin), Tynys Dúbek (62 kelige deıin) kúmis júldege ıe boldy.
Osylaısha, ulttyq qurama enshisinde 16 medal bar. Onyń tórteýi altyn, segizi kúmis jáne tórteýi qola júlde.
Budan buryn habarlanǵandaı, qazaqstandyq balýandar jastar arasyndaǵy Azııa chempıonatynda taǵy alty medal jeńip aldy.
