Azııa chempıonaty: Omar Sataev fınalǵa joldama aldy

ASTANA. KAZINFORM — Iordanııa astanasy Amman qalasynda ótip jatqan Azııa chempıonatynda búgin grek-rım kúresinen ekinshi jarys kúninde Omar Sataev (82 keli) fınalǵa shyqty.

грек-рим күресі
Фото: Қазақстан Ұлттық Олимпиада комитеті

Qazaqstandyq balýan jartylaı fınalda japonııalyq Taızo Eshıdony apy qaldyrdy. Beldesý ýaqytynan erte aıaqtaldy.

Aıta ketsek, búgingi jarys kúninde el quramasynan Baqytjan Qabdyl (60 keli), Meıirjan Shermahanbet (67 keli), Ádilhan Sataev (72 keli) jáne Іlııas Gýchıgov (97 keli) qarsylastaryna ese jiberdi.

Endi olardy jeńgen balýan fınalǵa jetken jaǵdaıda olardyń jubanysh beldesýine qatysyp, qola júldege qol sozýyna múmkindigi bar.

Aıta ketsek, alǵashqy jarys kúninde el quramasy qorjynyna bir kúmis, eki qola medal tústi. Qurlyqtyq dodada Álimjan Syzdyqov (130 keliden joǵary) kúmis júldeger atansa, Ibragım Magomadov (77 keli) pen Shamıl Ojaev (87 keli) úzdik úshtikti túıindedi.

Qurlyqtyq doda 25-30 naýryz aralyǵynda ótedi. El quramasy erkin, grek-rım jáne áıelder kúresinen synǵa túsedi.

Сейчас читают