Azııa chempıonaty: Nurıslam Qaldybaev Taıland tórinde jeńis tuǵyryna kóterildi

TÚRKІSTAN. KAZINFORM – Bangkok qalasynda (Taıland) bokstan jastar arasyndaǵy (U22) Azııa chempıonatynyń fınaldyq jekpe-jekteri ótip jatyr. 

60 kelige deıingi salmaqta fınalǵa shyqqan Nurıslam Qaldybaev sheshýshi aıqasta ózbekstandyq boksshy Shohrýh Abdýmalıkovty jeńip, altyn júldeni enshiledi. 

Osylaısha, erler arasynda Qazaqstan quramasynyń qorjynyna alǵashqy altyn medal tústi. 

Aıta keteıik, Nurıslamnan bólek fınaldyq kezeńde Ilıa Kalının (65 kelige deıin), Nurbek Mursal (70 kelige deıin), Sanjaráli Begalıev (80 kelige deıin), Temirlan Muqataev ta (90 kelige deıin) baq synaıdy. 

Buǵan deıin 70 kelige deıingi salmaqta synǵa túsken Baqyt Seıdishtiń fınaldyq aıqasta ózbekstandyq boksshy Oıshı Taırovany qapy qaldyryp, jarys jeńimpazy bolǵanyn jazǵan edik. Sondaı-aq Gúlnaz Bóribaeva da bokstan jastar arasyndaǵy Azııa chempıonatynda top jardy.