Azııa chempıonaty: Qazaqstannyń kúresten áıelder quramasy bes medal jeńip aldy
ASTANA. KAZINFORM — Taılandtyń Pattaııa qalasynda ótip jatqan U20 jas sanatyndaǵy Azııa chempıonatynda áıelder kúresinen básekeler aıaqtaldy, dep habarlaıdy UOK baspasóz qyzmeti.
Qazaqstandyq balýan qyzdar sary qurlyq birinshiliginde eki kúmis jáne úsh qola medal jeńip aldy.
65 kelige deıingi salmaqta Jańyl Beken aqtyq synda ózbekstandyq Mýhaıe Narzılloevaǵa jol berdi.
Sondaı-aq 68 kelige deıingi salmaqta Uldana Tileýhan fınalda qytaılyq Chenlın Sýnnan jeńilip qaldy.
Al 53 kelige deıingi salmaqta Dınara Daýylqyzy qola medal úshin ótken básekede Veı Tın Chendi (Qytaılyq Taıbeı) jeńdi.
57 kelige deıingi salmaqta Anna Stratan sheshýshi beldesýde Qytaılyq Taıbeı ókili ıÝı Sıýan Chennen basym túsip, qola júldeger atandy.
59 kelige deıingi salmaqta Aıjan Muratbaı qola júlde úshin bolǵan aıqasta Mırıam Greıs Balısmeni (Fılıppın) jeńdi.
Budan buryn otandyq balýandar kúres túrlerinen Majarstandaǵy reıtıngtik týrnırde baq synaıtynyn jazǵanbyz.
