Azııa chempıonaty: Qazaqstandyq taekvondoshylar jeti medal aldy

ASTANA. KAZINFORM — Malaızııanyń Kýchıng qalasynda ótip jatqan taekvondodan jastar arasyndaǵy Azııa chempıonatynyń alǵashqy jarys kúninde Qazaqstan quramasynyń sportshylary jeti medal aldy.

El quramasynan Býned Bahramkýlov (45 keli) pen Aıym Serikbaev (42 keli) chempıon atandy.
Aıta ketsek, 2005 jyly Almatyda ótken Azııa chempıonatynda Davranbek Rızaev jeńis tuǵyryna kóterilgen edi. Araǵa 20 jyl salyp, mundaı tabysqa Aıym Serikbaeva men Býned Bahramkýlov qol jetkizip otyr.

Al Toǵjan Qaznabek (59 keli) ekinshi oryn alsa, Nurperzent Samauly (48 keli), Egor Shaptefrats (78 keliden joǵary), Dáýlet Rahımollıev (73 keli) jáne Lıýbov ıÝn (63 keli) úzdik úshtikti túıindedi.

Eske salsaq, budan buryn Ońtústik Koreıanyń Mýdjý qalasynda ótken taekvondodan «World Taekwondo Diamond Game 2025 G-4» týrnırinde bedeldi jarysta Qazaqstan quramasy aralas komandalyq synda kúmis aldy.