Azııa chempıonaty: Qazaqstan parataekvondo quramasy 5 medal jeńip aldy

ASTANA. KAZINFORM — Parataekvondo (pýmse) boıynsha qurlyqtyq doda Malaızııanyń Kýchıng qalasynda ótti.

Qurlyqtyq dodaǵa tájirıbeli parasportshylar qatysty. Onda otandastarymyz 2 altyn, 2 kúmis jáne 1 qola júlde jeńip aldy. 

Jarys qorytyndysy Ahmetkereı Abzal (R31 sanaty) pen Ovsepıan Karen (R33 sanaty) chempıon atandy. Oǵan qosa Jánibek Eldos (R34 sanaty) pen Serikov Dáýren (R33 sanaty) kúmis júldeger bolsa, Rasqalıev Aıdarbek (R21 sanaty) úzdik úshtikti túıindedi.

Aıta ketsek, Astanada taekvondodan halyqaralyq Kazakhstan Open týrnıri ótedi.

Dúnıejúzilik taekvondo federatsııasynyń (World Taekwondo) resmı kúntizbesine engen jarys úsh jas sanatyn qamtıdy. Onda jasóspirimder, jastar jáne eresekter synǵa túsedi. Oǵan 750-den astam sportshy qatysatynyn rastady.

Dúbirli dodaǵa Aýǵanstan, Armenııa, Kanada, Frantsııa, Úndistan, Iran, Qazaqstan, Kýveıt, Qyrǵyzstan, Oman, Lıýksembýrg, Marokko, Nepal, Pákistan, Palestına, Qytaı, Saýd Arabııasy, Túrkııa, Týnıs, Birikken Arab Ámirlikteri, AQSh jáne beıtarap mártebedegi (AIN) sportshylar keledi dep josparlanyp otyr.