Azııa chempıonaty: Qazaqstan hokkeı quramasy Ońtústik Koreıadan jeńilip qaldy

ASTANA. KAZINFORM - Almaty qalasynda ótip jatqan shaıbaly hokkeıden Azııa chempıonatynyń alǵashqy oıyn kúni aıaqtaldy.

Qurlyqtyq doda alǵash ret Halyqaralyq shaıbaly hokkeı federatsııasynyń (IIHF) qoldaýymen ótkizilip otyr. 

Qazaqstandyq hokkeıshiler birinshi týrda Ońtústik Koreıa quramasymen kezdesti. 

Oıyn barysynda koreıalyq hokkeıshiler 20-mınýtta esep ashsa, oǵan 23-mınýtta Borısevıch tarazy basyn teńestirdi.

Al 24-mınýtta qaıtadan koreıalyq qurama qaıtadan alǵa shyqsa, úshinshi keezńde olar taǵy eki shaıba soǵyp ketti.

Osylaısha Qazaqstan quramasy qarsylasyna 1:4 esebimen ese jiberdi.

Sondaı-aq atalǵan týrda Japonııa quramasy Qytaıdy 4:1 esebimen tize búktirdi.

Endi el quramasy 8 qarashada Qytaı quramasymen sheberlik baıqasady. Odan keıin 9 qarashada Japonııamen oınaıdy. 

Azııa chempıonaty 2025 jyly 7-14 aqpan aralyǵynda Qytaıdyń Harbın qalasynda ótetin Azııa oıyndaryna daıyndyq jarystary retinde uıymdastyrylyp otyr.