Azııa chempıonaty: Qazaqstan batýttaǵy gımnastıkadan eki júlde enshiledi
ASTANA. KAZINFORM — Batýttaǵy gımnastıkadan Gonkongta ótip jatqan Azııa chempıonatynda Qazaqstan quramasy eki medal jeńip aldy, dep habarlaıdy UOK baspasóz qyzmeti.
Áıelder arasyndaǵy jekeleı sekirý saıysynda Vıktorııa Býtolına qola júldege ıe boldy.
Sondaı-aq erler arasyndaǵy sınhrondy sekirý baǵdarlamasynda otandastarymyz sátti óner kórsetti. Nıkıta Týmakov pen Erlan Tasmaǵambetov kúmis medal jeńip aldy.
Aıta keteıik, Qazaqstan quramasy bozbalalar men ıýnıorlar sanatynda da on medal enshiledi. Otandastarymyzdyń qorjynynda eki altyn, tórt kúmis jáne tórt qola júlde bar.
Buǵan deıin Evelına Ejova Tashkenttegi Challenge Cup týrnırinde top jarǵany habarlandy.
