Azııa chempıonaty: Gandboldan Qazaqstan erler quramasy Gonkongty jeńdi

ASTANA. KAZINFORM — Bahreın astanasy Manama qalasynda gandboldan erler arasyndaǵy Azııa chempıonatynda Qazaqstan quramasy 9-16 oryndar úshin synǵa túsedi.

Qazaqstandyq gandbolshylar D tobynda synǵa tústi. Aldymen Bahreınnen 13:47, Birikken Arab Ámirliginen 15:39 esebimen jeńilip, Gonkongty 27:22 esebimen tize búktirdi. 

Endi qazaqstandyq gandbolshylar 9-16 oryndar úshin synǵa túsedi. Qarsylastary — Qytaı, Oman jáne Úndistan.

Bul kezeńde 18 qańtarda — Oman, 19 qańtarda — Qytaı, 21 qańtarda — Úndistanmen sheberlik baıqasady.

Nátıjesinde quramalardyń qaı oryn úshin synǵa túsetini belgili bolady.

Atalǵan oıyndar 22-23 qańtar kúnderine belgilengen.

Qazaqstan quramasy bıyl qurlyqtyq dodaǵa úshinshi márte qatysyp otyr.

1998 jyly segizinshi orynǵa taban tirese, 1993 jyly on birinshi oryndy mise tutty.

Aıta ketsek, qurlyqtyq doda nátıjesinde 2025 jyly qysta Horvatııa, Danııa men Norvegııada ótetin álem chempıonatyna 4 qurama joldama alady.

Bahreın osyǵan deıin Azııa chempıonatyn 1993, 2014 jáne 2016 jyly qabyldaǵan.

Qazirgi chempıon — Qatar qatarynan 5 márte Azııa chempıonatynda (2014, 2016, 2018, 2020 men 2022 jyly) top jardy.