Azııa chempıonaty fınalyna qaı elden qansha boksshy shyqty

ASTANA. KAZINFORM - Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda qaı elden qansha boksshy fınalǵa shyqqany belgili boldy.

Qurlyqtyq dodada qazaqstandyq 8 boksshy altyn medalǵa talasatyn boldy. Bul jóninen el quramasy jalpy esepte Úndistanmen alǵashqy eki oryndy ózara bólisip tur.

Sondaı-aq Azııa chempıonatynda Ózbekstan - 7, Soltústik Koreıa men Qytaı -3, Taıpeı, Mońǵolııa, Taıland, Iordanııa, Japonııa -2, Tájikstan -1 úzdigine úmit artady.

Qurlyqtyq dodada endi elimizdiń atynan erlerde Orazbek Asylqulov (60 keli), Tórehan Sabyrhan (70 keli), Sabyrjan Aqqalyqov (75 keli), Nurbek Oralbaı (85 keli), Aıbek Oralbaı (90 keliden joǵary) fınalda synǵa tússe, áıelderde Baqyt Seıdish (70 keli), Nadejda Rıabets (80 keli), Dına Islambekova (80 keliden joǵary) sharshy alańǵa shyǵady.

Azııa chempıonatynyń fınaly 9-10 sáýir kúnderine belgilengen.