Azııa chempıonaty: Erkin kúresten Rızabek Aıtmuqan alǵan júldesi jóninde pikir bildirdi

ASTANA. KAZINFORM — Qyrǵyzstan astanasy Bishkek qalasynda jalaýyn kótergen Azııa chempıonatynda 11 sáýirde erkin kúresten kúmis alǵan Rızabek Aıtmuqan (97 keli) júldesi jóninde pikirin bildirdi.

Qazaqstandyq balýan fınalda bahreındik Ahmed Tajýdınovpen kúsh synasty. 

Ol qarsylasyna 2:4 esebimen jeńilip, kúmis medaldi qanaǵat tutty.

Rızabek Aıtmuqan byltyr álem chempıonatynda 92 keli salmaqta jeńis tuǵyrynan kórinse, Azııa chempıonatynda kúmiske qol jetkizdi.

«Bul salmaqta kóptegen myqty balýandar bar. Negizinde qaı-qaısysymen de kúresýge bolady. Ol árkimniń ózine baılanysty. Qurlyqtyq dodada ekinshi márte kúmis alǵanyma azdap ókinishim bar. Bul joly altyn bolady degen úmitpen kelgenmin. Jeńis te, jeńilis te qatar júredi. Búgingi qarsylasym — álem chempıony atanǵan myqty balýan. Atalǵan salmaqta básekelestik kúsheıip keledi. Bul bizdiń sheberlimizdi shyńdaı túsýge oń áserin tıgizedi. Aldaǵy maqsatym — Olımpıada joldamasyna ıe bolý. Sondaı- aq, jastar arasynda da túrli jarystar bar. Árbirine tyńǵylyqty daıyndalamyz», — dedi ol.