Azııa chempıonaty: Erkin kúresten Meırambek Qartbaı jartylaı fınalǵa shyqty
ASTANA. KAZINFORM - Qyrǵyzstan astanasy Bishkek qalasynda búgin, 11 sáýirde jalaýyn kótergen Azııa chempıonatynda erkin kúresten Meırambek Qartbaı (57 keli) jartylaı fınalǵa shyqty.
Qurlyqtyq dodada 26 jastaǵy balýan ózbekstandyq Nodır Jumanazarovty 3:0 esebimen aıqyn basymdyqpen jeńip, jartylaı fınalǵa joldama aldy. Endi ol jartylaı fınalda japonııalyq Kento ıÝmıemen beldesedi.
Sondaı-aq, el quramasynan qazaqstandyq balýan Rızabek Aıtmuhan (92 keli) birinshi aınalymda qyrǵyzstandyq Aronovty 6:0 esebimen tize búktirdi.
Taǵy bir qazaqstandyq balýan Sanjar Muhtar (65 keli), Meıirjan Áshirov (70 keli) alǵashqy beldesýinen súrinbeı ótti.
El quramasynan Azamat Ómirjanov (79 keli) birinshi kezdesýde mońǵolııalyq qarsylasynan utylyp, jarys jolynan shyǵyp qaldy.
Al el quramasynan Asyl aıtaqyn (61 keli), Talǵat Syrbaz (74 keli), Azamat dáýletbekov (86 keli), Ádilet Davlýmbaev (92 keli), Abylaı Sovet (125 keli) 12 sáýirde bozkilemge shyǵady.
Odan keıin qurlyqtyq doda áıelder kúresi men grek-rım kúresinen jalǵasady.
