Azııa chempıonaty: Erkin kúresten qazaqstandyq eki balýan fınalǵa shyqty
ASTANA. KAZINFORM - Qyrǵyzstan astanasy Bishkek qalasynda ótip jatqan Azııa chempıonatynda búgin, 12 sáýirde el quramasynan eki balýan fınalǵa shyqty.
El quramasynan Asyl Aıtaqyn (61 keli) jartylaı fınalda úndistandyq Akash Dahııany 11:0 esebimen jeńdi.
Endi fınalda ol qyrǵyzstandyq Taıyrbek Jumashbekulymen kezdesedi.
Al ulttyq qurama kóshbasshysy Azamat Dəýletbekov (86 keli) jartylaı fınalda qytaılyq Peılong Lıdi 11:0 esebimen taza jeńdi. Aldaǵy qarsylasy - Parıj olımpıadasy joldamasynyń ıegeri, ózbekstandyq Djabraıl Shapıevi.
Aıta ketelik, 11 sáýirde erkin kúresten Qazaqstan quramasy 1 kúmis, 1 qola ıelendi.
El quramasynan Rızabek Aıtmuhan (97 keli) kúmis, Meırambek Qartbaı (57 keli) qola medal enshiledi.
Endi 13-14 sáýir kúnderi áıelder, 15-16 sáýirde grek-rım sheberleri boz kilemge shyǵady.
Qurlyqtyq dodada erkin kúres, grek-rım jáne áıelder kúresinen barlyǵy 30 medal jıyntyǵy sarapqa salynady.
