Azııa chempıonaty: Bokstan Qazaqstan quramasy júlde sany jóninen kósh basynda tur

ASTANA. KAZINFORM - Bokstan Qazaqstan erler quramasy Astana qalasynda ótip jatqan jastar arasyndaǵy 2024 jylǵy Azııa chempıonatynda on eki medalǵa qol jetkizetini aldyn ala belgili boldy. 

Bul jóninen el quramasy ázirge kósh bastap tur. Odan keıingi oryndardaǵy Ózbekstan men Úndistannyń enshisinde on sportshydan bar.

Odan keıin Qyrǵyzstan jeti, Tájikstan men Iranda úsh, Iordanııa men Qytaıda eki, Fılıppın, Ońtústik Koreıa men Mońǵolııada bir boksshy jartylaı fınalǵa jetti.

Qurlyqtyq dodada elimizdiń qyzdar quramasy Úndistan jáne Ózbekstanmen birge alǵashqy úshtikti ózara bólisip tur. Olardyń árqaısysynda on eki sportshy jartylaı fınalǵa jetti.

Al Vetnama men Qytaı úsh, Qyrǵyzstan men Mońǵolııa eki, Taıvanda bir boksshy júldege ıe bolady.