Azııa chempıonaty: 9 sáýirde el quramasynan úsh boksshy fınalda synǵa túsedi
ASTANA. KAZINFORM — Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda búgin, 9 sáýirde fınalda el quramasynan kimder sharshy alańǵa shyǵatyny belgili boldy.
Qurlyqtyq dodada el quramasynan segiz boksshy altyn medaldy sarapqa salady. Olardyń qatarynda erlerde Orazbek Asylqulov (60 keli), Tórehan Sabyrhan (70 keli), Sabyrjan Aqqalyqov (75 keli), Nurbek Oralbaı (85 keli), Aıbek Oralbaı (90 keliden joǵary), áıelderde Baqyt Seıdish (70 keli), Nadejda Rıabets (80 keli), Dına Islambekova (80 keliden joǵary) bar.
Búgin qazaqstandyq úsh boksshy sharshy alańǵa shyǵady,
Kúndizgi sessııa 10:00
7-jup. 70 keli. Baqyt Seıdish — Arýndhatı Choýdharı (Úndistan)
9-jup. 80 keli. Nadejda Rıabets — Rýhshona Parpıeva (Ózbekstan)
10-jup. 80 keliden joǵary. Dına Islambekova — Alfııa Pazan (Úndistan).
El quramasy fınalǵa shyqqan sportshylar sany jóninen jalpy esepte Úndistanmen alǵashqy eki oryndy ózara bólisip tur.
Sondaı-aq Azııa chempıonatynda Ózbekstan — 7, Soltústik Koreıa men Qytaı -3, Taıpeı, Mońǵolııa, Taıland, Iordanııa, Japonııa -2, Tájikstan -1 úzdigine úmit artady.
Azııa chempıonatynyń fınaly 9-10 sáýir kúnderine belgilengen.
