Azııa chempıonaty: 6 sáýirde el quramasynan kimder shyǵady
ASTANA. KAZINFORM - Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda 6 sáýirde jartylaı fınaldyń alǵashqy jarys kúni ótedi.
Qurlyqtyq dodada el quramasynan barlyǵy 13 boksshy jarysty jalǵastyrýǵa múmkindik aldy.
Bul kúni el quramasynan jeti sportshy sharshy alańǵa shyǵady. Olardyń qatarynda erlerden - Mahmud Sabyrhan, Ertýǵan Zeınýllınov jáne Tórehan Sabyrhan, áıelderde Baqyt Seıdish, Valentına Halzova, Nadejda Rıabets jáne Dına Islambekova bar.
Jekpe-jek kestesi
10:00. Áıelder. 70 keli. Bakyt Seıdish - Alımıre Abýdýreıımý (Qytaı);
10:45. Áıelder. 75 keli. Valentına Halzova - Tszyı Bao (Qytaı);
11:00. Erler. 55 kg. Mahmud Sabyrhan - Harhýý Bılgýýnsaıhan (Mońǵolııa);
15:00. Áıelder. 80 keli. Nadejda Rıabets - Pýdja Ranı (Úndistan);
15:15. Áıelder. 80 keliden joǵary. Dına Islambekova - Oltınoı Sotımboeva (Ózbekstan).
15:45. Erler. 65 keli. Ertýǵan Zeınýllınov - Býndjong Sınsırı (Taıland);
16:00. Erler. 70 keli. Tórehan Sabyrhan - Peıchen Van (Qytaı).
Sondaı-aq elimizdiń erler quramasynan Orazbek Asylqulov (60 keli), Sabyrjan Aqqalyqov (75 keli), Nurbek Oralbaı (85 keli), Saǵyndyq Toǵambaı (90 keli), Aıbek Oralbaı (90 keliden joǵary), áıelderde Aıgerim Sáttibaeva (48 keli) jartylaı fınal joldamasyn sarapqa salady.
