Azııa chempıonaty: 26 naýryzda bes qazaqstandyq balýan synǵa túsedi

ASTANA. KAZINFORM - Iordanııa astanasy Amman qalasynda ótip jatqan Azııa chempıonatynda búgin grek-rım kúresinen ekinshi jarys kúninde bes balýan saıysqa túsedi.

 26 наурызда бес қазақстандық балуан сынға түседі
Фото: olympic.kz

El quramasynan Baqytjan Qabdyl (60 keli) japonııalyq Kaıto Inaba, Meıirjan Shermahambet (67 keli) Ońtústik Koreıa balýany Mın Sýn Kvon, Ádilhan Satoev (72 keli) qyrǵyzstandyq Yryskeldi Hamzaevpen boz kilemge shyǵady. 

Al Omar Sataev (82 keli) Ońtústik Koreıa sportshysy Bosen Kan, Іlııas Gýchıgov (97 keli) úndistandyq Nıteshpen sheberlik baıqasady. 

Aıta ketsek, alǵashqy jarys kúninde el quramasy qorjynyna bir kúmis, eki qola medal tústi. Qurlyqtyq dodada Álimjan Syzdyqov (130 keliden joǵary) kúmis júldeger atansa, Ibragım Magomadov (77 keli) pen Shamıl Ojaev (87 keli) úzdik úshtikti túıindedi.

Qurlyqtyq doda 25-30 naýryz aralyǵynda ótedi. El quramasy erkin, grek-rım jáne áıelder kúresinen synǵa túsedi.

Сейчас читают